KA tapaði 2-1 gegn KR í Pepsi Max deildinni á Dalvíkurvelli í kvöld.
Lestu um leikinn: KA 1 - 2 KR
Arnar Grétarsson, þjálfari KA var til viðtals við Fótbolta.net eftir leikinn. Arnar var eðlilega ósáttur með að tapa leiknum.
„Í fyrsta lagi er ég gríðarlega ósáttur með að hafa tapað. Mér fannst frammistaðan gríðarlega góð frá upphafi til enda. Mér fannst við í stöðunni 11 á móti 11 vera koma okkur í frábærar stöður sem við áttum að nýta í byrjun.
„Svo kemur rauða spjaldið, það breytir leiknum, ætti að koma okkur í góða stöðu en ég á eftir að sjá fyrsta markið sem þeir skora mér fannst það í ódýrari kanntinum en við svörum strax fyrir það en það eru dýr mistökin í öðru markinu."
Arnari fannst KA liðið spila seinni hálfleikinn mjög vel en liðið var í sókn nánast allan seinni hálfleikinn en Arnar hrósaði Beiti í marki KR.
„Með seinni hálfleikinn, það er oft ekkert létt að spila 11 á móti 10, mér fannst við gera það mjög vel, sköpuðum slatta af færum, Beitir var nátturulega bara gjörsamlega frábær, hann lokaði markinu og varði allt sem kom á markið og það er bara það sem skilur á milli."
„Við fengum helling af sénsum til að skora en þú þarft að koma boltanum yfir línuna. Beitir stóð sig mjög vel, varði ansi mörgum sinnum mjög vel og gerði okkur lífið leitt en það vantaði herslumuninn og það er það sem skilur á milli, við komum ekki tuðrunni í netið. Ef þú kemur ekki boltanum í netið þá telur það ekki."
Athugasemdir