Helgi Sigurðsson, þjálfari ÍBV, var sáttur með þrjú stig þrátt fyrir erfiðan leik á móti Þrótturum í Laugardalnum. Leikurinn fór 0-1 fyrir ÍBV og eina mark leiksins kom frá Felix Erni á 90. mínútu leiksins.
Lestu um leikinn: Þróttur R. 0 - 1 ÍBV
„Þetta var bara hörku leikur. Við höfum þó spilað betur en við gerðum í dag, en það var þurrt gervigrasið í dag og það var erfitt að spila á því, en það á auðvitað við bæði liðin. Þetta var oft þungt og boltinn gekk hægt,'' segir Helgi Sigurðsson
„En mér fannst við sýna enn og aftur karakter og sköpuðum nóg mikið af færum til þess að skora, en markið beið vel á eftir sér. Við misstum aldrei trúna og það kom að lokum. Þetta var bara frábær sigur og mikill karakter sigur fyrir okkur.''
„Það er margt sem fór úrskeiðis í dag, en það sem stendur eftir er karakter liðsins og menn lögðu sig 100% fram. Þeir klúðruðu víti í fyrri hálfleik og þeir hefðu svo sem geta komist yfir líka'' segir Helgi
„Það munu örugglega ekki margir muna eftir þessum leik eftir nokkrum umferðir, en við munum muna eftir þremum stigunum.''
Spurt var Helga á stöðu Gonzalo Zamorano, sem er búinn að vera lengi meiddur.
„Hann er búinn að vera meiddur í þrjár vikur. Hann er í endurhæfingu og það eru einhverjar 2 eða 3 vikur í hann.'' segir Helgi
Hægt er að horfa á allt viðtalið fyrir ofan
Athugasemdir
