Bæði enskir og íslenskir landsliðsmenn, ásamt dómara leiksins, krupu á kné rétt áður en leikur liðanna, sem fram fer á Laugardalsvelli, var flautaður á í Þjóðadeildinni.

Með þessu sýna leikmenn stuðning í baráttunni gegn kynþáttafordómum.

Ríflega 100 dagar eru frá því að lögreglumaður í Bandaríkjunum myrti George Floyd, óvopnaðan svartan mann, á óhugnanlegan hátt. Í kjölfarið hófst bylting um allan heim þar sem kallað er eftir jafnrétti.