Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   lau 05. september 2020 11:00
Ívan Guðjón Baldursson
Fer Koulibaly til Manchester City eða United?
Powerade
Mynd: Getty Images
Mynd: Getty Images
Mynd: Getty Images
Það styttist og styttist í næstu leiktíð og er slúðurpakki dagsins fullur af gómsætum orðrómum, sem voru teknir saman af BBC.

Aurelio de Laurentiis, forseti Napoli, segir að Kalidou Koulibaly geti yfirgefið Napoli í sumar - fyrir rétta upphæð. Manchester United og Manchester City eru áhugasöm. (Talksport)

Man City mun bjóða 66 milljónir punda í Koulibaly auk bónusgreiðslna eftir helgi. (Inside Futbol)

Félagaskipti Kai Havertz, 21, til Chelsea voru keyrð áfram af Roman Abramovich sem vildi ólmur sjá miðjumanninn klæðast treyjunni bláu. (Express)

Timo Werner, 24, hafnaði Man City áður en hann skrifaði undir hjá Chelsea. Werner fékk símtal frá Pep Guardiola. (Daily Mail)

West Ham er búið að bjóða rúmlega 20 milljónir punda í James Tarkowski, 27 ára miðvörð Burnley. (Sky Sports)

Barcelona er búið að ná samkomulagi um laun við Memphis Depay, 26 ára framherja Lyon. Ronald Koeman vill ólmur frá Memphis til Barca eftir að hafa starfað með honum hjá hollenska landsliðinu. (Teamtalk)

Man Utd ætlar ekki að ganga frá kaupum á Jadon Sancho, 20, fyrr en á næsta ári. (Star)

Man Utd neitar að selja Chris Smalling, 30, fyrir minna en 18 milljónir punda. (Corriere dello Sport)

Ryan Fraser, 26, er mættur til Newcastle til að hefja samningsviðræður. Fraser er falur á frjálsri sölu eftir að hafa runnið út á samningi hjá Bournemouth. (Sky Sports)

Arsenal er búið að bjóða Matteo Guendouzi, 21, og Alexandre Lacazette, 29, til Atletico Madrid í skiptum fyrir miðjumanninn öfluga Thomas Partey, 27. (Mirror)

Barcelona hafnaði tilboði frá Tottenham í Lucas de Vega, tvítugan miðjumann. De Vega vill skipta yfir til Englands en Börsungar vilja halda honum sem lykilmanni í B-liðinu. (Sport)

Leeds er í viðræðum við Feyenoord um félagaskipti Crysencio Summerville, 18 ára sóknarmann. (Leeds Live)

Barcelona er staðráðið í að krækja í Georginio Wijnaldum, 29, frá Liverpool fyrir næstu leiktíð. (Goal)

West Ham vill kaupa Said Benrahma, 25, frá Brentford en tímir ekki að borga þær 20 milljónir sem félagið vill fyrir hann. (Telegraph)

Aston Villa færist nær kaupunum á Ollie Watkins, 24 ára framherja Brentford. (Football Insider)

Villa er einnig á höttunum eftir Callum Wilson, 28, en Bournemouth hafnaði 20 milljón punda tilboði frá félaginu. (Talksport)

Juventus ætlar að bjóða Federico Bernardeschi, 26, til Tottenham auk vænnar fúlgu fjárs í skiptum fyrir Tanguy Ndombele, 23, sem er dýrasti leikmaður í sögu Tottenham. (Calciomercato)

Barcelona er að reyna að losa sig við franska varnarmanninn Samuel Umtiti, 26, með öllum tiltækum ráðum. (Mundo Deportivo)
Athugasemdir
banner
banner
banner
banner