Kane er besti sóknarmaður Englendinga og hefur 32 mörk í 45 landsleikjum. Hann lofsamar hinn efnilega Mason Greenwood, framherja Manchester United, sem er aðeins 18 ára gamall og gæti spilað sinn fyrsta A-landsleik á eftir.

„Hann er frábær. Hann getur skotið með vinstri, hægri, innanfótar og af krafti. Hann er fullkominn markaskorari sem getur skorað úr hvaða færi sem er," sagði Kane.

„Hann hefur bara verið í boltanum í stuttan tíma en hann lítur út fyrir að vera sóknarmaður í toppklassa."

Greenwood er sóknarmaður að upplagi en getur einnig spilað á hægri kanti og í holunni fyrir aftan fremsta mann. Framherjinn ungi er jafnfættur og býr yfir frábærri skottækni.