Andorra mætir á Wembley á morgun og spilar þar við England í undakeppni HM.
Gary Lineker hefur talað um það að smærri lönd ættu að spila í ákveðinni forkeppni og að þau þyrftu þannig að vinna sér inn rétt til þess að mæta þessum stærstu þjóðum í undankeppnum.
Lima, sem á að baki 130 leiki fyrir Andorra, hefur spilað gegn mörgum af bestu leikmönnum heims, en ef hugmynd Lineker færi í gegn, þá þyrftu Lima og félagar að fara í forkeppni til þess að komast í undankeppnina sjálfa.
„Ef Lineker hefði fæðst í Andorra, þá gæti hann ekki spilað gegn stærstu liðunum? Afhverju? Það er land eins og England er land," sagði Lima.
„Það er ekki vesen fyrir stórt lið að spila einu sinni á ári gegn okkur. Það er eins og undirbúningsleikur sem þú spilar stundum. Það er ekki vesen fyrir þá."
„Lineker er heppinn að hann fæddist á Englandi en ekki Andorra."
Athugasemdir