Guðjón Þórðarson þjálfari Víkinga frá Ólafsvík var þungur á brún eftir 5-2 tap gegn Þrótturum í 20. umferð Lengjudeildar karla.
Lestu um leikinn: Þróttur R. 5 - 2 Víkingur Ó.
"Vonbrigði eftir að hafa verið inn í leiknum í fyrri hálfleik, vonbrigði eftir að við unnum okkur inn í leikinn eftir að hafa gefið mark eftir tvær mínútur, við áttum ágætis kafla í fyrri hálfleik og skoruðum tvö mörk og það leit alls ekki út fyrir að þetta myndi fara með þessum hætti í byrjun seinni hálfleiks. Svo eins og í mótlætinu þegar við við fáum á okkur þriðja markið þá er eins og menn bogni og brotni" Sagði Guðjón í viðtali eftir leik.
Fannst Guðjóni 5-2 sýna rétta mynd af leiknum?
"Mér fannst það ekki gefa rétta mynd af heildarleiknum en það er ekki spurt að því þegar þú færð á þig mörk þá eru það þau sem telja, það geta verið sex tilraunir og fimm mörk og það var útkoman í dag en þeir áttu reyndar fleiri tilraunir og við vorum oft að hjálpa þeim að skora"
Hvað gerðist í seinni hálfleik?
"Menn hættu að gera hlutina og héldu að þetta myndi koma af sjálfu sér, gáfu frá sér frumkvæðið og það auðveldlega og spiluðu gegn sjálfum sér og Þróttararnir gengu á lagið og sáu um leið þegar menn fóru að hika hjá okkur þá gengu þeir á lagið"
Athugasemdir
