Takist liðinu að ná hið minnsta jafntefli þá mun það verða 36 leikurinn í röð þar sem liðið tapar ekki.

Þann 10. október 2018 hófst þessi taplausa hrina hjá Ítölum en þá gerði liðið 1-1 jafntefli gegn Úkraínu í æfingaleik.

Evrópumeistararnir hafa unnið 29 leiki og gert sex jafntefli og eru þessir leikir í Þjóðadeildinni, undankeppni EM, undankeppni HM, lokakeppni EM og æfingaleikir.

Liðið hefur nú þegar jafnað met sem bæði Spánn og Brasilía eiga en það eru 35 leikir í röð án taps. Spánn náði sinni hrinu á árunum 2007-2009.