Haaland er mjög eftirsóttur en klásúla í samningi hans hjá Dortmund mun virkjast næsta sumar og þá geta lið sótt hann fyrir 75 milljónir punda. Hann mun því geta valið úr tilboðum.

Öll af stærstu liðum heims hafa verið orðuð við Haaland en Wenger segir að fjárhagslegt afl ensku úrvalsdeildarinnar sé það sterkt að Normaðurinn muni koma til Englands.

„Ég held að hann muni koma til Englands. Fjárhagslegt afl ensku úrvalsdeildarinnar er of sterkt. Þar eru mestu peningarnir og enski boltinn er á toppnum. Bestu leikmennirnir ná sér í bestu launin þar," sagði Wenger.

Barcelona og Real Madrid hafa einnig verið orðuð við Haaland en Wenger telur það líklegast að hann komi til Englands.