Heimild: mbl.is
FH fékk tvær vítaspyrnur gegn Leikni í Breiðholtinu í gær. Gyrðir Hrafn Guðbrandsson, varnarmaður Leiknis, sagði í samtali við mbl.is að hann botnaði ekki í ákvörðunum Vilhjálms Alvars dómara.
FH náði að nýta hvoruga vítaspyrnuna og leikurinn endaði 0-0.
FH náði að nýta hvoruga vítaspyrnuna og leikurinn endaði 0-0.
„Þeir fá tvær vítaspyrnur sem mér fannst alls ekki víti. Ég skil bara ekki hvernig hann gat fengið þetta seinna víti út. Ég stóð þarna og veit ekki hvað hann dæmir á einu sinni. Þetta var galið, allir voru að búast við því að hann væri að fara að dæma aukaspyrnu fyrir okkur. Það var enginn FH-ingur að biðja um neitt. Svo segir hann bara við mig: „Þetta er bara pjúra víti.“'" sagði Gyrðir við mbl eftir leikinn í gær.
„Sem er smá galið en sem betur steig Viktor Freyr (Sigurðsson, markvörður) upp og varði þetta, hann bjargaði okkur heldur betur í dag."
Vilhjálmur Alvar fékk aðeins 3 í einkunn frá fréttaritara Fótbolta.net á vellinum. Annar dómari fékk sömu einkunn en það var Pétur Guðmundsson sem dæmdi 2-2 leik Víkings og ÍBV.
„Atvikið er óskiljanlegt í mínum augum, algjörlega óskiljanlegt. Það er opið mark og Halldór Smári (Sigurðsson) er röngu megin við hann og hversu lítið sem brotið er og þetta er eins mikið rautt og ég hef séð," sagði Hermann Hreiðarsson, þjálfari ÍBV, sem skildi ekki af hverju Halldór fékk ekki rautt í fyrri hálfleik. Halldór endaði með því að ráða úrslitum í leiknum og jafnaði í 2-2.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir