Hugo Lloris markvörður Tottenham og franska landsliðsins var borinn af velli í dag í 3-0 tapi gegn Brighton.
Í stöðunni 0-0 ætlaði Lloris sér að grípa boltann, það mistókst hins vegar. Hann missti boltann og það nýttu Brighton-menn sér og komu boltanum yfir línuna.
Lloris lenti mjög illa eftir þetta og var í kjölfarið borinn af velli og fluttur á sjúkrahús til nánari skoðunar.
Tottenham sendi frá sér tilkynningu í kvöld þar sem greint var frá nýjustu tíðindum af Lloris. Þar kom fram að Lloris hafi farið úr olnbogalið.
Lloris var í franska landsliðshópnum sem mætir Íslandi á Laugardalsvelli næstkomandi föstudag en mun skiljanlega ekki geta tekið þátt í leiknum.
We can confirm that Hugo Lloris sustained a dislocated elbow during today's match against Brighton.
-- Tottenham Hotspur (@SpursOfficial) October 5, 2019
Get well soon, skipper.
Athugasemdir