Auður á landsliðsæfingu á EM í sumar
Auður Sveinbjörnsdóttir Scheving var kölluð óvænt inn í landsliðshópinn á EM í sumar eftir að Cecilía Rán Rúnarsdóttir meiddist
Auður gekk til liðs við Stjörnuna frá Val á dögunum og Fótbolti.net fékk hana í spjall. Hún var spurð út í EM ævintýrið.
„Fyndið, eins og mest var talað um, ég var mætt þarna í frí, þetta var alvöru U-beygja, í fríi og allt í einu mætt á EM. Sturluð upplifun," sagði Auður.
Hún var ekki með neinar fótboltagræjur með sér og þurfti því að bregðast hratt við.
„Ég þurfti að fara á hlaupum með nokkrum í starfsliðinu til að kaupa takkaskó og hanska til að ná æfingunni," sagði Auður.
Viðtalið í heild sinni má sjá hér fyrir neðan.
Athugasemdir
