Frábær í dag.

Mynd: Getty Images

Mynd: Getty Images

Fyrsta leik dagsins í Championship deildinni er lokið en þar mættust tvö efstu lið deildarinnar, Sheffield United og Burnley.

Gestirnir frá Burnley byrjuðu betur en þeir leiddu leikinn með einu marki gegn tveimur þegar flautað var til leikhlés. Manuel Benson gerði bæði mörk Burnley en þau komu eftir slæm mistök í vörn heimamanna.

Oliver McBurnie var allt í öllu í sóknarleik Sheffield í dag en hann jafnaði metin á 48. mínútu en heimamenn voru mjög öflugir í föstum leikatriðum.

Sheffield gerði sér lítið fyrir og skoraði þrjú mörk á níu mínútna kafla í síðari hálfleiknum og gekk gjörsamlega frá leiknum. Mörkin gátu orðið fleiri en vörnin hjá Burnley galopnaðist í síðari hálfleikum.

McBurnie skoraði tvö mörk, lagði upp eitt og sótti sér í gult spjald eins og honum einum er lagið áður en honum var skipt útaf.

Jóhann Berg Guðmundsson kom inn á í stöðunni 2-2 á 59. mínútu leiksins.

Þetta var aðeins annar tapleikurinn hjá Burnley á tímabilinu en Sheffield er nú þremur stigum á eftir Burnley sem er ennþá á toppnum en Sheffield á einn leik til góða.