Erling Haaland mætti dauðþreyttur í viðtal hjá Sky Sports eftir dramatískan sigur Manchester City í dag.
Haaland hefur misst af síðustu tveimur leikjum liðsins vegna meiðsla og byrjaði á bekknum í dag. Hann kom inn á sem varamaður og kom boltanum tvisvar í netið, fyrra skiptið var hann dæmdur rangstæður.
Í uppbótartíma fékk City vítaspyrnu þegar Kevin de Bruyne var felldur í teignum. Haaland steig á punktinn og skoraði. Hann segist sjaldan hafa verið jafn stressaður.
„Sjaldan verið jafn stressaður í lífinu. Hvað heldur þú? Víti á síðustu mínútunni, auðvitað er ég stressaður eins og allir myndu vera. Frábær tilfinning samt," sagði Haaland.
Athugasemdir
