Zaniolo fagnar marki sínu á Ólympíuleikvangnum.

Mynd: Getty Images

Mynd: EPA

Zaniolo hafði skorað í leiknum á undan sem endaði með 1-3 sigri á Hellas Verona en í þeim leik fékk hann högg og gat kappinn því ekki byrjað leikinn gegn Ludogorets.

Rómverjar voru að tapa í hálfleik en Zaniolo kom inn á og fiskaði tvær vítaspyrnur og kláraði svo leikinn með stórkoslegu einstaklingsframtaki.

„Ég verð að þakka Mourinho. Hann hefur alltaf haft trú á mér, líka þegar hlutirnir voru ekki að ganga upp fyrir mig. Ég sýndi það í dag að ég get verið mikilvægur hlekkur í liðinu,” sagði Ítalinn.

„Hann sagði mér að koma inn á og brjóta leikinn upp. Sem betur fer tókst það fullkomnlega.”

Zaniolo hefur tvívegis slitið krossband á sínum ferli en hann er leikmaður með mikla hæfileika og á hann enn mikið inni.

Það hefur vantað stöðugleika í frammistöður hans og þá hefur hann einnig verið í vandræðum með að hemja tilfinningar sínar á vellinum sem hefur skilað sér í gulum og rauðum spjöldum.

Hann virðist allur vera koma til upp á síðkastið en hann var öflugur í Sambandsdeildinni á síðustu leiktíð þar sem hann tryggði Rómverjum dolluna með sigurmarki gegn Feyenoord í úrslitaleiknum í Tírana.

Það er stórleikur á dagskrá hjá liðinu á morgun en þá mætast Roma og Lazio í nágrannaslag klukkan 17.