mið 05. desember 2018 14:06
Magnús Már Einarsson
Kjartan Henry kominn með sex mörk í ungverska bikarnum
Mynd: Fótbolti.net - Hafliði Breiðfjörð
Kjartan Henry Finnbogason, framherji Ferencvaros, skoraði tvívegis í 4-0 sigri á Senyo Carnifex í ungverska bikarnum í dag.

Kjartan Henry skoraði fyrra markið úr vítaspyrnu á 50. mínútu og á 63. mínútu bætti hann öðru marki við. Hann fór síðan af velli skömmu síðar.

Samtals hefur Kjartan nú skorað sex mörk í þremur leikjum í ungverska bikarnum í vetur.

Tækifærin hafa verið færri í úrvalsdeildinni en þar hefur Kjartan aldrei verið í byrjunarliðinu á þessu tímabili.

Kjartan Henry kom til Ferencvaros í sumar eftir dvöl hjá Horsens í Danmörku undanfarin ár.
Athugasemdir
banner
banner
banner
banner
banner