Fjölmiðlar í Róm segja að Arsenal hafi hafnað kauptilboði frá Roma í armenska sóknartengiliðinn Henrikh Mkhitaryan sem er á láni hjá ítalska félaginu út tímabilið.
Mkhitaryan hefur verið flottur frá komu sinni tl Roma þrátt fyrir meiðslavandræði en hann gekk í raðir félagsins á svipuðum tíma og enski varnarmaðurinn Chris Smalling, sem kom á lánssamningi frá Manchester United.
Tilboði Roma í Smalling var hafnað fyrr á tímabilinu og nú er Arsenal búið að hafna vandræðalega lágu boði í Mkhitaryan, sem er talið hljóða upp á 10 milljónir evra.
Mkhitaryan verður 31 árs síðar í janúar og rennur samningur hans við Arsenal ekki út fyrr en á næsta ári, í júní 2021.
Arsenal er reiðubúið að selja leikmanninn en vill fá hærra tilboð.
Athugasemdir