Arsenal 1 - 0 Leeds
1-0 Reiss Nelson ('55)
1-0 Reiss Nelson ('55)
Arsenal tók á móti Leeds United, toppliði Championship deildarinnar, í eina leik dagsins í enska bikarnum.
Gestirnir frá Leeds voru mun betri í fyrri hálfleik og hrikalega óheppnir að koma knettinum ekki í netið. Þeir áttu fimmtán marktilraunir gegn þremur og heimamenn stálheppnir að vera ekki undir í leikhlé. Emiliano Martinez gerði mjög vel að halda sínum mönnum í leiknum.
Seinni hálfleikurinn var allt öðruvísi enda hefur Mikel Arteta látið vel í sér heyra í klefanum. Arsenal var mun betri aðilinn og skoraði Reiss Nelson sigurmarkið á 55. mínútu. Hann var þá heppinn að vera réttur maður á réttum stað en boltinn barst til hans eftir fyrirgjöf Alexandre Lacazette sem fór af varnarmanni.
Leeds komst ekki nálægt því að jafna og stóðu heimamenn uppi sem sigurvegarar. Gestirnir sýndu þó hvers þeir eru megnugir og verður afar spennandi að sjá
hvort Marcelo Bielsa takist að stýra þeim upp í ensku úrvalsdeildina í vor.
Athugasemdir