Guðni lék með Jimmy Phillips, föður Nat, hjá Bolton á árunum 1995 til 2001 og þeir urðu góðir vinir.

Jimmy tók síðar við sem yfirmaður í unglingastarfi Bolton en þar þjálfaði hann son sinn áður en hann fór til Liverpool árið 2016.

Hinn 22 ára gamli Nat Phillips fór til Stuttgart á láni í þýsku B-deildina síðastliðið sumar en Liverpool kallaði hann til baka úr láni á dögunum vegna meiðsla Joel Matip og Dejan Lovren.

Halldór Smári Sigurðarson, leikmaður Víkings, greindi frá því á dögunum að Nat hafi brotið kertastjaka heima hjá foreldrum hans á Íslandi fyrir 14 árum síðan. Fjölskyldutengsl eru milli Halldórs og Guðna og Nathaniel var hér á landi í heimsókn þegar atvikið átti sér stað.