Everton og Lyon vilja ólm fá franska miðjumanninn Adrien Rabiot á lánssamningi frá Juventus út tímabilið, en Ítalíumeistararnir vilja halda honum.
Rabiot er 24 ára gamall og var gríðarlega eftirsóttur á síðustu leiktíð, þar sem stærstu félög Evrópu voru öll á höttunum eftir honum. Hann valdi að lokum að ganga til liðs við Juve þar sem hann hefur ekki fengið mikinn spiltíma undir stjórn Maurizio Sarri.
Sarri hefur þó miklar mætur á Rabiot og telur hann geta leyst mikilvægt hlutverk á seinni hluta tímabilsi. Juve er í harðri toppbaráttu í Serie A og mætir Lyon í 16-liða úrslitum Meistaradeildarinnar.
Rabiot hefur aðeins komið við sögu í 9 af fyrstu 17 deildarleikjum tímabilsins og hefur það vakið athygli félaga víðsvegar um Evrópu. Arsenal, Manchester United og fleiri stórlið hafa áhuga á Rabiot en eru ekki með það í forgangi að fá hann til sín, ólíkt Everton og Lyon.
Athugasemdir