Hann skoraði beint úr aukaspyrnu þegar Southampton tapaði fyrir Newcastle í deildinni í dag.

Mörkin úr leiknum má sjá neðst í fréttinni en þau birtust upprunalega á vef Morgunblaðsins.

Ward-Prowse á möguleika á því að skrifa sig á spjöld sögunnar í ensku úrvalsdeildinni. Hann er á þessu tímabili núna búinn að skora beint úr fjórum aukaspyrnum. Hann er einu aukaspyrnumarki frá því að jafna David Beckham og Laurent Robert sem tókst að skora úr fimm á einni leiktíð. Það er metið.

Southampton á eftir að spila 16 deildarleiki á tímabilinu og það er því nægur tími fyrir miðjumanninn að jafna og bæta þetta met.