Enska B-deildarfélagið Millwall vann Nottingham Forest 3-0 er liðin mættust í kvöld en Matt Smith, framherji Millwall, gerði þrennu á þrettán mínútum.

Smith skoraði fyrsta markið á 20. mínútu og tvöfaldaði forystuna sex mínútum síðar.

Hann fullkomnaði þrennuna á 33. mínútu áður en flautað var til loka fyrri hálfleiks.

Jón Daði Böðvarsson kom inná sem varamaður á 86. mínútu leiksins en hann hefur spilað 30 leiki á leiktíðinni, skorað 4 mörk og 4 stoðsendingar.

Millwall er í 7. sæti deildarinnar með 54 stig og er baráttan um umspilssæti vel á lífi.