Þrettán starfsmenn Bröndby og þrír leikmenn Lyngby í Danmörku hafa verið settir í sóttkví eftir að fyrrum danski landsliðsmaðurinn Thomas Kahlenberg greindist með kóróna veiruna.

Thomas smitaðist af veirunni í Amsterdam í síðustu viku en áður en hann greindist kíkti hann á leik Bröndby og Lyngby á sunnudaginn.

Joel Kabongo, varnarmaður Bröndby, hefur verið settur í sóttkví sem og aðstoðarþjálfarinn Martin Retov en þeir hittu Kahlenberg eftir leikinn.

Ellefu aðrir starfsmenn Bröndby eru í sóttkví en Kabongo er eini leikmaðurinn í sóttkví. Íslenski landsliðsmaðurinn Hjörtur Hermannsson er einn af leikmönnum liðsins.