Eder Sarabia.
Quique Setien, þjálfari Barcelona, hefur beðið leikmenn liðsins afsökunar á hegðun aðstoðarþjálfarans Eder Sarabia í 2-0 tapinu gegn Real Madrid um síðustu helgi.
Spænskir sjónvarpsþættir eru duglegir að nota hjálp varalesara til að skoða hvað menn segja í leikjum. Í sjónvarpsþættinum Vamos var því uppljóstrað að Sarabia hefði látið leikmenn ítrekað heyra það á hliðarlínunni en hann talaði meðal annars illa um Antoine Griezmann eftir að hann klikkaði á góðu færi í leiknum.
Spænskir sjónvarpsþættir eru duglegir að nota hjálp varalesara til að skoða hvað menn segja í leikjum. Í sjónvarpsþættinum Vamos var því uppljóstrað að Sarabia hefði látið leikmenn ítrekað heyra það á hliðarlínunni en hann talaði meðal annars illa um Antoine Griezmann eftir að hann klikkaði á góðu færi í leiknum.
Þetta fór ekki vel í leikmenn Barcelona og Setien hefur nú beðist afsökunar á hegðun Sarabia.
„Við biðjum alla afsökunar, við getum ekki hagað okkur svona. Við viljum ekki sjá svona hluti. Við höfum gert mistök og við ættum að reyna að koma í veg fyrir að svona gerist aftur," sagði Setien.
„Þessi staða hefur haft mikil áhrif á mig því ég hef áhyggjur af ímynd félagsins. Við þurfum að passa upp á ímyndina því að við getum verið gagnrýndir fyrir skiptingar, taktík og fleira en ekki fyrir hegðun okkar."
„Við verðum að skilja hvernig fólki líður á ákveðnum augnablikum, við erum ekki öll eins. Eder hefur margt fram að færa og hann hefur hjálpað okkur stórkostlega í mörgum aðstæðum. En hann þarf að hafa stjórn á sjálfum sér. Hann er að reyna að gera það. Hann er að reyna að bæta sig því við höfum lent í svona aðstæðum áður."
„Það er frekar vandræðalegt að þetta hafi orðið að frétt og að þetta hafi vakið svona mikla athygli," sagði Setien.
Athugasemdir
