Alaves og Valencia gerðu 1-1 jafntefli í spænsku deildinni í kvöld en Daniel Parejo skoraði gullfallegt mark fyrir gestina.

Parejo kom Valencia yfir á 34. mínútu með frábæru marki úr aukaspyrnu. Hann lyfti boltanum yfir vegginn og í vinstra hornið og gestirnir komnir með forystu.

Edgar Mendez jafnaði metin fyrir Alaves á 73. mínútu. Alaves hefur verið duglegt við að safna stigum á leiktíðinni en liðið er í ellefta sæti með 32 stig á meðan Valencia er með 42 stig í 7. sæti.