Paulo Dybala, sóknarmaður Ítalíumeistara Juventus, er loksins laus við kórónuveiruna.
Dybala hefur verið einstaklega óheppinn. Í lok apríl var fjórða jákvæða sýnið tekið frá Dybala á sex vikum.
Núna hefur loksins verið tekið neikvætt sýni frá Dybala sem eru gleðitíðindi.
Dybala birti skemmtilega mynd á Instagram í tilefni þess og má sjá þá mynd hér að neðan.
Dybala og félagar í Juventus er á toppi ítölsku úrvalsdeildarinnar með einu stigi meira en Lazio. Stefnt er á að hefja tímabilið aftur á Ítalíu í næsta mánuði, en landið hefur komið gríðarlega illa út úr veirunni.
Búið er að slaka aðeins á útgöngubanninu á Ítalíu og má fólk núna fara út í göngutúra sem dæmi.
Athugasemdir