Stjarnan 5 - 0 Þór/KA
1-0 Gyða Kristín Gunnarsdóttir ('3)
2-0 Gyða Kristín Gunnarsdóttir ('9)
3-0 Arna Dís Arnþórsdóttir ('54)
4-0 Jasmín Erla Ingadóttir ('68)
5-0 Arna Dís Arnþórsdóttir ('75)
Lestu um leikinn: Stjarnan 5 - 0 Þór/KA
Stjarnan er á blússandi siglingu í Bestu deild kvenna og var að vinna sinn fjórða deildarleik í röð er liðið fékk Þór/KA í heimsókn í Garðabæinn í dag.
Gyða Kristín Gunnarsdóttir skoraði tvennu á fyrstu níu mínútum leiksins eftir slakan varnarleik Akureyringa og frábæran undirbúning frá Katrínu Ásbjörnsdóttur og Betsy Hassett sem voru afar sprækar. Staðan var 2-0 í hálfleik og forystan aldrei í hættu.
Arna Dís Arnþórsdóttir bætti þriðja markinu snemma í síðari hálfleik og aftur áttu Katrín og Betsy þátt í markinu.
Jasmín Erla Ingadóttir skoraði svo fjórða markið og gerði Arna Dís fimmta markið skömmu síðar. Niðurstaðan sannfærandi fimm marka sigur Stjörnunnar.
Stjarnan er búið að jafna Val á toppi deildarinnar en Valskonur eiga leik til góða. Selfoss er tveimur stigum á eftir, með leik til góða á útivelli gegn Breiðablik.
Þór/KA er með níu stig eftir átta umferðir.