Mynd: EPA

Mynd: Getty Images

Bale er samningslaus eftir níu ár hjá Real Madrid og getur því skipt um félag á frjálsri sölu.

Bale, 32 ára, skoraði 106 mörk í 258 leikjum með Real. Hann er velskur landsliðsmaður og átti stóran þátt í sigurmarkinu sem kom Wales á HM eftir hörkuleik við Úkraínu í gærkvöldi.

Mehmet Dalman, forseti Cardiff, er floginn til Bretlands til að leiða viðræður við Bale sem er að skoða möguleikana sína. Stórstjarnan hefur meðal annars verið orðuð við endurkomu til Tottenham og félagaskipti til Bandaríkjanna.

Það gæti orðið erfitt fyrir Cardiff að semja við Bale þar sem leikmaðurinn var á hærri vikulaunum hjá Real Madrid heldur en samanlagður leikmannahópur Cardiff.

Bale er fæddur í Cardiff en hefur aldrei spilað fyrir velskt félag á ferlinum. Hann sagði það vera möguleika að hann myndi leggja skóna á hilluna í sumar en það verður ekkert úr því eftir að Wales tryggði sér sæti á HM í fyrsta sinn í 64 ár.

Helsta markmið Bale verður að gera vel fyrir Wales á HM og gæti hann því reynt að gera skammtímasamning við eitthvað félag, jafnvel aðeins til sex mánaða.

Cardiff vill fá Bale til sín til að hjálpa félaginu að komast aftur upp í úrvalsdeildina. Það gæti verið spennandi verkefni fyrir Bale að hjálpa Cardiff upp um deild og hjálpa þeim svo í væntanlegri fallbaráttu í úrvalsdeildinni ef það markmið næst.

Bale var spurður út í orðróminn en sagðist aðeins vera einbeittur að því að gera vel með Wales. Þegar hann var spurður hvort hann væri með einhver tilboð á borðinu þá brosti hann og svaraði: „helling."