AS Roma vill krækja í spænska miðjumanninn Isco sem verður samningslaus í lok mánaðar.
Isco er 30 ára gamall og hefur verið leikmaður Real Madrid undanfarin níu ár. Hann skoraði 53 mörk í 353 leikjum fyrir félagið og vann allt mögulegt, meðal annars Meistaradeild Evrópu fimm sinnum.
Isco hefur þá skorað 12 mörk í 38 landsleikjum fyrir Spán eftir að hafa verið algjör lykilmaður í yngri landsliðunum.
Ofurumboðsmaðurinn Jorge Mendes vill reyna að koma Isco til Roma en talið er að Spánverjinn sjálfur kjósi frekar að vera áfram í heimalandinu.
Real Betis og Valencia hafa áhuga á Isco en launakröfur hans eru alltof háar. Sevilla hefur efni á leikmanninum en er ekki talið hafa nægan áhuga.
Athugasemdir