Enski landsliðsmaðurinn Fikayo Tomori er að gera nýjan samning við Ítalíumeistara AC Milan.
Tomori er lykilmaður í hjarta varnarinnar við hlið franska miðvarðarins Pierre Kalulu og með hinn gríðarlega öfluga Mike Maignan á milli stanganna fyrir aftan sig.
Milan keypti Tomori í fyrra fyrir um 30 milljónir punda og reyndist hann einn af bestu varnarmönnum deildartímabilsins í Serie A.
Tomori á þrjú ár eftir af samningnum við Milan en félagið vill ólmt endursemja við leikmanninn og binda hann til 2027.
Tomori er afar hamingjusamur á Ítalíu og er búist við því að samningsviðræðunum ljúki fljótt.
Athugasemdir