Oliver Giroud, framherji franska landsliðsins, hefur byrjað inn á í fjórum síðustu leikjum Frakklands á Heimsmeistaramótinu.
Giroud hefur átt sjö skot á mótinu en enn hefur hann ekki átt skot á markið.
„Það er rétt að Oliver hefur ekki enn skorað, ég endurtek - ekki enn."
„Hann er kannski ekki með tæknilega getu eins og margir aðrir leikmenn en liðið þarfnast hans í hverjum leik því jafnvel þó hann skori ekki gerir hann marga hluti fyrir okkur," sagði Didier Deschamps.
Frakkland vann Úrúgvæ 2-0 í 8-liða úrslitum í dag og mætir Belgíu í undanúrslitum.
Athugasemdir
