Toppbaráttan í 2. deildinni lofar góðu eftir leiki dagsins en aðeins einu stigi munar á 2-6. sæti deildarinnar.
Völsungur lagði Selfoss að velli er liðin mættust á Húsavík í dag. Ásgeir Kristjánsson gerði eina markið fyrir leikhlé og tvöfaldaði Sverrir Páll Hjaltested forystuna í seinni hálfleik.
Hrvoje Tokic hefur verið í stuði á tímabilinu og er markahæstur í deildinni. Hann minnkaði muninn fyrir Selfyssinga, sem mistókst þó að jafna. Liðin eru jöfn í 2-3. sæti með 17 stig eftir 10 umferðir.
Völsungur 2 - 1 Selfoss
1-0 Ásgeir Kristjánsson ('28)
2-0 Sverrir Páll Hjaltested ('58)
2-1 Hrvoje Tokic ('62)
Þá er Fjarðabyggð komin upp í 4. sæti á markatölu eftir 3-1 sigur gegn KFG. Gonzalo Bernaldo Gonzalez kom heimamönnum yfir í fyrri hálfleik en Kristófer Konráðsson var snöggur að jafna.
Staðan var jöfn í hálfleik og hélst jöfn allt þar til á lokakaflanum, þegar Nikola Kristinn Stojanovic skoraði úr vítaspyrnu. Skömmu síðar innsiglaði Gonzalo sigurinn með sínu öðru marki í leiknum.
KFG er í tíunda sæti af tólf en þó aðeins fimm stigum frá Selfossi og Völsungi sem eru í öðru til þriðja sæti.
Fjarðabyggð 3 - 1 KFG
1-0 Gonzalo Bernaldo Gonzalez ('33)
1-1 Kristófer Konráðsson ('35)
2-1 Nikola Kristinn Stojanovic ('80, víti)
3-1 Gonzalo Bernaldo Gonzalez ('83)
Það tekur tíma fyrir stöðutöfluna að uppfærast.
Markaskorarar af urslit.net
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir