Mario Balotelli er samningslaus eftir þrjú ár í franska boltanum, þar sem hann skoraði 41 mark í 73 deildarleikjum fyrir Nice og Marseille.
Hann er þekktur fyrir ýmsa hluti sem tengjast ekki knattspyrnuhæfileikum hans og er hann með næstum 9 milljón fylgjendur á Instagram.
Það er þar sem hann birti myndband af manni í nærbuxum sem keyrir út í sjóinn á vespunni sinni.
Maðurinn er bareigandi og lofaði Balotelli honum 2000 evrum fyrir að keyra út í sjóinn.
„Vespan var hvort sem er bara 600 evru virði," sagði maðurinn við fréttamenn eftir atvikið.
Vespuna þurfti að veiða aftur úr sjónum til að hún myndi ekki skemma báta og viðstöddum til mikillar furðu virkaði hún enn.
Athugasemdir
