Jökull Andrésson varði mark Reading í æfingaleik gegn Southend United í dag. Jökull fékk að spila fyrri hálfleikinn og hélt hreinu.
Jökull er fæddur 2001 og kemur úr Mosfellsbæ. Hann hefur verið afar öflugur með U23 liði Reading að undanförnu og var leikurinn í dag sá fyrsti sem hann spilar fyrir aðalliðið.
Reading heldur í æfingaferð eftir helgi og tekur Jökul með. Jón Daði Böðvarsson er einnig samningsbundinn Reading en ekki er ljóst hvort hann eigi framtíð fyrir sér hjá félaginu.
Reading var sjö stigum frá því að falla úr Championship deildinni í fyrra eftir að hafa fengið 47 stig úr 46 leikjum.
Athugasemdir