Evgeniy með húðflúrið á vinstri handlegg.
Rússinn Evgeniy elskar Ísland og íslenska knattspyrnu. Hann heldur sérstaklega mikið upp á Magna sem er á botni Inkasso-deildarinnar sem stendur.
Evgeniy hefur það mikinn áhuga á Magna að hann gerði sér ferð til Íslands og horfði á leik liðsins gegn Þrótti R. fyrr í dag.
Þeim leik lauk með 7-0 tapi Magna en Evgeniy fékk treyju gefins að leikslokum og hefur það eflaust bætt daginn hans til muna.
Þessi Evgeniy er sá sami og fréttamenn Fótbolta.net hittu á HM í Rússlandi í fyrra. Þar var hann á stuðningsmannasvæði Íslendinga, klæddur íslensku landsliðstreyjunni og með húðflúr af íslenska fánanum á handleggnum.
— Hafsteinn Árnason (@h_arnason) July 6, 2019
Falleg stund þegar Magna aðdáandi númer eitt í Rússlandi fær treyjuna. Evgeniy er frá Volgograd og horfir reglulega á leiki Magna á Youtube. @MagniGrenivik #fotbolti pic.twitter.com/K0BY9mqYmQ
Athugasemdir
