Lestu um leikinn: Þróttur R. 7 -  0 Magni

Þórhallur Siggeirsson þjálfari Þróttar var gríðarlega sáttur með leik sinna manna í dag.

„Mér líður vel sko, flott frammistað og gott að ná góðum sigri eftir tvo tapleiki."

Ágúst Leó sleit krossband nú á dögunum og er það alveg gríðarlegur missir fyrir Þrótt.

„Þetta er bara áfall fyrir hópinn og hann, við erum bara eins og flest lið að við erum að glíma við meiðsli."

Meðalaldur á bekknum hjá Þrótti var ekki hár og var aðeins 18,1 ár að meðaltali.

„Ég er gríðarlega sáttur með þessa stráka enda búinn að vera þjálfa þá í allan vetur og er bara ánægður með vegferðina sem þeir eru á."

Þórhallur reiknar með að liðið eigi eftir að ná i einhverja leikmenn í félagsskiptaglugganum sem opnaði 1.júlí.