Stjarnan og Tindastóll mættust á Samsungvellinum í kvöld í Pepsi-Max deild kvenna og endaði leikurinn með 0-1 sigri Tindastóls. María Dögg Jóhannesdóttir skoraði eina mark leiksins en þá var markmaður Tindastóls, Amber Kristin Michel valin maður leiksins. Kristján Guðmundsson þjálfari Stjörnunnar sagði sitt lið hafa gert nóg til að vinna leikinn.
„Við gerðum alveg nóg til að vinna þennan leik en það er svona byrjunin sem að olli mér vonbrigðum. Við vorum ekki tilbúin í baráttuna."
„Við gerðum alveg nóg til að vinna þennan leik en það er svona byrjunin sem að olli mér vonbrigðum. Við vorum ekki tilbúin í baráttuna."
Lestu um leikinn: Stjarnan 0 - 1 Tindastóll
„Mér fannst liðið byrja leikinn illa, þar er að segja að við vorum ekki tilbúnar í að berjast um boltann í návígjunum. Það tók okkur langan tíma að komast í þann gír. Óheppni? Já, bæði og nema við nýtum ekki færin og við fáum alveg nóg af þeim til að jafna og vinna en það tókst bara ekki. Og svo talar maður um að það sé klárt víti en það er í hverjum einasta leik svo það þýðir ekkert að tala um það." segir Kristján og vitnar þá í brot Maríu Daggar á Betsy Hassett í fyrri hálfleik leiksins.
Þrátt fyrir tapið eru Stjarnan ennþá í efstu sætum deildarinnar og er Kristján spurður hvort augun séu enn sett á toppbaráttuna.
„Við höfum talað um efri helminginn að við viljum vera þar. Svekkjandi að taka ekki þrjú stig núna og væri að eiga alvöru toppslag við Val í næstu umferð þannig að við verðum bara að vera eins og þú segir þarna uppi og spila við Val sem er sterkasta liðið þessar vikurnar.
Viðtalið í heild sinni má finna í sjónvarpinu hér að ofan
Athugasemdir