Brasilía tryggði sér sæti í úrslitaleik Copa America eftir sigur gegn Perú í gærkvöld.
Leiknum lauk með 1-0 sigri Brasilíu en Lucas Paqueta skoraði markið eftir sendingu frá Neymar.
Brasilía mætir annað hvort Argentínu eða Kólumbíu í úrslitaleiknum. Hinn undanúrslitaleikurinn fer fram eftir klukkan 01:00 í nótt.
Neymar kveðst vilja fá Lionel Messi og félaga í Argentínu í úrslitaleiknum. Það er líka það sem flestir vilja sjá.
„Ég vil Argentínu í úrslitaleiknum," sagði Neymar eftir sigurinn á Perú. „Ég held með þeim vegna þess að ég á marga vini þar. Í úrslitaleiknum mun Brasilía vinna."
Brasilía er ríkjandi meistari en síðast mættust stórveldin Brasilía og Argentína í úrslitaleiknum 2007. Þá vann Brasilía öruggan sigur.
Athugasemdir