Framherjinn Callum Wilson er á leið til Newcastle í ensku úrvalsdeildinni en hann hefur undanfarin ár spilað með Bournemouth.
The BBC greinir frá því í dag að Bournemouth sé búið að samþykkja 20 milljóna punda tilboð Newcastle í leikmanninn.
Wilson er 28 ára gamall en hann hefur ekki áhuga á að leika með Bournemouth í næst efstu deild. Félagið féll úr úrvalsdeildinni á síðustu leiktíð.
Wilson skoraði 67 mörk í 184 leikjum fyrir Bournemouth en hann kom til félagsins frá Coventry fyrir sex árum síðan.
Sóknarmaðurinn hefur einnig skorað eitt mark fyrir enska landsliðið sem kom í leik gegn Bandaríkjunum í nóvember árið 2018.
Newcastle er einnig nálægt því að semja við vængmanninn Ryan Fraser á frjálsri sölu en hann lék einnig með Bournemouth við góðan orðstír.
Athugasemdir