„Það var gott að ná í góð úrslit á erfiðum útivelli," sagði markvörðurinn Elías Rafn Ólafsson fyrir æfingu hjá U21 landsliðinu í Árbænum í dag.
U21 landsliðið vann góðan sigur gegn Hvíta-Rússlandi í síðustu viku og byrjar nýja undankeppni vel.
„Maður vill byrja alla leiki en svo er þetta undir þjálfaranum komið," segir Elías sem er ánægður með nýja leikmenn í hópnum. „Það er alltaf jafn gaman að koma heim og hitta íslensku strákana."
Elías spilaði sinn fyrsta leik í dönsku úrvalsdeildinni á dögunum er hann byrjaði fyrir Midtjylland í sigri á Silkeborg. Hann hélt hreinu í 3-0 sigri.
„Maður vonar að maður fái að spila fleiri leiki en þennan eina, en þetta er búið að vera frábært. Það var geggjað að fá að spila þennan leik. Það kom þannig til að Lössl (markvörður Midtjylland) fékk ekkert sumarfrí og hann var sendur í frí, og þá kom maður inn. Það gekk mjög vel."
Þjálfari Midtjylland er Bo Henriksen, fyrrum sóknarmaður Fram, ÍBV og Vals. Hann er áhugaverður karakter. „Hann er gamli skólinn, öskrar mikið og svona. Þetta er stór karakter."
Elías segir að leikurinn gegn Grikklandi verði gegn erfiður en hann vonast til að liðið verði með sex stig eftir tvo leiki.
Allt viðtalið má sjá hér að ofan.
Athugasemdir