Tyrkneska félagið Galatasaray hefur áhuga á því að fá brasilíska sóknartengiliðinn Philippe Coutinho frá Barcelona áður en glugginn lokar þar í landi en þetta kemur fram í tyrkneskum miðlum.
Spænska félagið reyndi að losa sig við Coutinho í sumar en án árangurs.
Hann er með um 400 þúsund evrur í vikulaun hjá Börsungum og hélt það mörgum öflugum liðum í Evrópu frá því að næla í hann í glugganum.
Samkvæmt tyrkneskum miðlum gæti hann þó farið á láni til Galatasaray og er gert ráð fyrir frekari fréttum um það á morgun.
Félagið myndi fá hann á láni út leiktíðina en forkaupsréttur er ekki í myndinni.
Athugasemdir