Skelfing greip sig í Gíneu í gær þegar Marokkó og Gínea áttu að mætast í undankeppni HM en herinn gerði tilraun til valdaráns þar í landi.
Lið Marokkó lenti í Gíneu á föstudag og tók eina æfingu en í gærmorgun var liðið læst inn á hóteli eftir að skotárás hófst fyrir utan hótelið.
Herinn gerði þá tilraun til valdaráns. Herinn lýsti því yfir skömmu síðar að það hafi tekist en örlög Alpha Conde, forseta Gíneu, eru óljós.
Varnarmálaráðuneyti Gíneu heldur þó öðru fram og að tilraun hersins hafi ekki borið árangur.
Leik Marokkó og Gíneu var aflýst og var landslið Marokkó flutt með flýti út á flugvöll seint í gær. Ekki er vitað hvort leikmenn Gíneu hafi komist úr landi.
Naby Keita, leikmaður Liverpool, er fyrirliði Gíneu og þá leikur Amadou Diawara, leikmaður Roma, einnig fyrir þjóðina.
Can you imagine the horrible situation of the national team in their way from the hotel to the airport during the military coup? pic.twitter.com/gxoqSHGZsA
— Jalal Bounouar (@BounouarJalal) September 5, 2021
Athugasemdir