Sarina Wiegman.
Hollendingar riðu ekki feitum hesti á Evrópumótinu í sumar, allavega ekki miðað við væntingar.
Liðið var ekki sannfærandi í sínum leik og féll úr leik í átta-liða úrslitum gegn Frakklandi.
Liðið var ekki sannfærandi í sínum leik og féll úr leik í átta-liða úrslitum gegn Frakklandi.
Lestu um leikinn: Holland 1 - 0 Ísland
Holland vann EM 2017 og fór í úrslitaleik HM 2019, en þá var Sarina Wiegman þjálfari liðsins. Núna er hún þjálfari Englands sem fór alla leið á Evrópumótinu og tók gullið.
„Þjóðin var frekar vonsvikin með það hvernig Holland spilaði á EM í sumar," sagði hollenska fréttakonan Rivkah op het Veld í samtali við Fótbolta.net í gær.
„En það var magnað að sjá Sarinu Wiegman taka gullið. Hún er stórkostlegur þjálfari. Ég var á Wembley á úrslitaleiknum og sá hversu elskuð hún er þarna. Hún gerði okkur að Evrópumeisturum og við vitum hversu góð hún er. Það er ótrúlegt að sjá hversu mikið hún hefur vaxið."
Holland ætlar að hrista af sér vonbrigðin frá EM í kvöld er þær mæta Íslandi í hreinum úrslitaleik um sæti á HM í Ástralíu og Nýja-Sjálandi. Íslandi nægir jafntefli í leiknum en Holland þarf að vinna til að ná efsta sæti riðilsins.
Sjá einnig:
Wiegman trompar forvera sína: Búið til skrímsli sem tætir allt í sig
Athugasemdir
