Redmond, sem er 28 ára gamall, er ekki í plönum Ralph Hasenhüttl hjá Southampon og hefur því fengið leyfi til að fara félaginu.

Öll stærstu félögin á Tyrklandi höfðu áhuga á að fá Redmond en hann hefur ákveðið að ganga í raðir Besiktas.

Southampton hefur samþykkt tilboð Besiktas og er hann nú á leið til Istanbúl þar sem hann mun skrifa undir eins árs samning.

Hann hittir þar fyrir enska miðjumanninn Dele Alli, en sá kom til Besiktas á láni frá Everton.

Besiktas er á toppnum í tyrknesku úrvalsdeildinni með 13 stig eftir fimm umferðir.