Sandra Sigurðardóttir og markstangirnar voru í yfirvinnu þegar Ísland tapaði á sárgrætilegan hátt gegn Hollandi í hreinum úrslitaleik um að komast beint á HM.
Lestu um leikinn: Holland 1 - 0 Ísland
„Ég fór yfir það í viðtali áðan að það liggur við að það hefði verið skárra að tapa 5-0," segir Sandra.
Ísland stóð af sér sóknarþunga hollenska liðsins allt fram í uppbótartíma þegar eina markið var skorað.
„Þetta er ansi blaut tuska í andlitið eftir að hafa staðið af okkur pressuna og þessi færi. Við vorum nokkrum sekúndum frá þessu og það er rosalega súrt."
Þó leikurinn í kvöld hafi tapast þá lifir HM draumurinn enn. ´sland þarf að komast í gegnum umspil.
„Ég ætla á HM, við ætlum á HM. Við verðum súrar í kvöld og næstu daga, þangað til við sjáum hverjum við mætum. Við höldum áfram og ætlum alla leið."
Athugasemdir
