Mikael fagnar marki gegn Silkeborg á dögunum
Mikael og Jón Dagur
Mikael Neville Anderson gekk í raðir AGF undir lok félagaskiptagluggans í sumar. Mikael er uppalinn hjá AGF en hafði verið á mála hjá Midtjylland síðustu átta ár.
Jón Dagur Þorsteinsson er leikmaður AGF og var hann spurður út í komu Mikaels til félagsins.
Jón Dagur Þorsteinsson er leikmaður AGF og var hann spurður út í komu Mikaels til félagsins.
„Hann hefur komið mjög inn í hlutina hjá félaginu. Það er mjög mikill kraftur í Mikael. Fólk sem fylgist með AGF veit að við spilum kraftmikinn fótbolta þannig hann smellpassar inn í liðið. Hann er frá AGF og maður tók eftir góðri orku frá stuðningsmönnum þegar hann kom," sagði Jón Dagur við Fótbolta.net í gær.
„Það er gott að fá að tala íslensku, ég er mjög ánægður með þetta. Við höfum tengt vel saman inn á vellinum og það er gott að hafa hann."
AGF hafði unnið síðustu þrjá leiki í deildinni áður en liðið mætti Midtjylland í síðasta leik fyrir landsleikina.
„Við fengum Mikael og annan kantmann inn. Við fengum [Mustapha] Bundu aftur til baka sem var frábær hjá okkur fyrir tveimur árum. Þeir tveir hafa komið mjög vel inn í hlutina," sagði Jón Dagur.
Sjá einnig:
„Þetta var kannski ekki athyglin sem maður var að sækjast eftir"
Athugasemdir
