„Við spurðum Aston Villa hvort þeir vildu koma til Katar og spila leikinn þar," sagði Jurgen Klopp, stjóri Liverpool, í gríni í gærkvöldi aðspurður út í stöðuna sem er komin upp hjá liðinu.

Liverpool mætir Aston Villa á útivelli í enska deildabikarnum þriðjudaginn 17. desember en daginn eftir spilar liðið í undanúrslitum HM félagsliða í Katar.

Liverpool mun stilla upp tveimur mismunandi liðum í leikjunum en reikna má með að um verði að ræða hálfgert unglingalið í leiknum gegn Aston Villa.

Klopp er ekki skemmt yfir þessu mikla leikjaálagi og vill að fundin sé lausn til framtíðar.