Það er áhugaverður leikur á dagskrá í ensku úrvalsdeildinni í kvöld þegar Southampton tekur á móti Newcastle á St. Mary's vellinum en að venju þessa dagana er leikið fyrir luktum dyrum.
Danny Ings er helsta vopn Southampton í sókninni en hann er fjarri góðu gamni í kvöld og spilar ekki vegna meiðsla.
Að sama skapi er markvörðurinn Martin Dubravka ekki með Newcastle vegna meiðsla sem og miðjumaðurinn Jonjo Shelvey.
Southampton hefur byrjað leiktíðina mjög vel og er með 13 stig eftir fyrstu sjö leikina. Newcastle er tveimur sætum neðar með 11 stig í 11. sæti.
Hér má nálgast byrjunarlið kvöldsins.
Southampton: Walker-Peters, Vestergaard, Stephens, Bednarek, Romeu, Ward-Prowse, Armstrong, Djenepo, Walcott, Adams
Newcastle: Darlow, Lewis, Schar, Lascelles, Fernandez, S. Longstaff, Hendrick, Almiron, Murphy, Saint-Maximin, Wilson
Athugasemdir