Stuðningsmenn Ungverja á leiknum gegn Íslandi í Marseille í Frakklandi árið 2016.
Freyr Alexandersson, aðstoðarlandsliðsþjálfari Íslands, er ánægður með að áhorfendur verði leyfðir á leiknum gegn Ungverjum í umspili um sæti á EM á fimmtudag.
Ungversk yfirvöld hafa í samráði við UEFA ákveðið að leyfa 20 þúsund áhorfendur á leiknum.
Þrátt fyrir að nánast einungis verði ungverskir stuðningsmenn á vellinum þá er Freyr ánægður með að spila ekki fyrir luktum dyrum.
Ungversk yfirvöld hafa í samráði við UEFA ákveðið að leyfa 20 þúsund áhorfendur á leiknum.
Þrátt fyrir að nánast einungis verði ungverskir stuðningsmenn á vellinum þá er Freyr ánægður með að spila ekki fyrir luktum dyrum.
„Það er stórkostlegt að spila fyrir framan fólk," sagði Freyr á fréttamannafundi í dag.
„Það gerir mikla stemningu og við munum eins og Ungverjar njóta þess í botn. Við fáum örugglega að heyra það en það er hluti af þessu."
Þegar Ísland og Ungverjaland mættust á EM í Frakklandi árið 2016 settu ungverskir stuðningsmenn mikinn svip sinn á leikinn. Fyrir leik tafðist meðal annars að áhorfendur kæmust inn á völlinn þar sem stuðningsmennirnir létu ófriðlega.
Athugasemdir
