Roberto Mancini, landsliðsþjálfari Ítalíu, er með kórónuveiruna en það staðfesti ítalska knattspyrnusambandið í kvöld.
Mancini er knattspyrnuaðdáendum kunnur en hann var frábær leikmaður á sínum tíma og þjálfaði Manchester City frá 2009 til 2013.
Ítalía á þrjá leiki á dagskrá á næstunni en liðið hefur leik gegn Eistlandi á miðvikudag í vináttuleik.
Í kjölfarið fylgja tveir leikir í Þjóðadeildinni þar sem Ítalar spila við Pólland og Bosníu.
Mancini er nú í einangrun heima hjá sér í Róm en hvort fleiri starfsmenn landsliðsins hafi smitast er óljóst að svo stöddu.
Athugasemdir